Arben Taravari nga Lëvizja për Reforma në PDSH, mendon se duhet të dorëhiqen funksionarët shqiptarë që të dorëzohet Nikolla Gruevski. Sipas tij, ndaj qëndron ende në pushtet Gruevski, pasi mbahet prej shqiptarëve në krah të tij.
“Gruevski nuk na do! As padronët e tjerë të klanit të tij nuk na duan. Kjo është vërtetuar në çdo formë, që nga ato më të sofistikuara, e deri tek ato më direktet, sicc janë të famshmet Përgjime. Në përgjime ne dëgjuam të na etiketonin me terma që për botën sllave, janë fundi, llumi!
Mirëpo sipas tij duket se për BDI-në dhe PMTH-në (Partinë e Menduh Thaqit), Auris ose Veshi nuk punon. “Nga anatomia e veshit ata gëzojnë vetëm veshin e jashtëm, ata nuk dëgjojnë! Si robotë të programuar ata përsërisin të njëjtët paragrafë.
“Në Maqedoni klasa politike shqiptare që bashkëpunon me qeverinë padyshim që duhet të jetë peng i ndonjë ngjarje të madhe, se përndryshe duhet të kishin dhënë dorëheqje të parevokueshme”, tha Taravari.
Më tutje ai vazhdoi duke thënë që duhet të mblidhemi ku jemi ku s’jemi të largojmë këta tanët nga pushteti mizor i Gruevskit, se na turpëruan. “Gruevskin nuk e do Europa dhe Amerika, Ali Ahmeti e quan partner strategjik! Turp!! Për cilën strategji të duhet Gruevski more Ali?! Edhe fëmijët e vegjël më e dinë që Gruevski nuk i do shqiptarët! Ik me nder të paktën në fund! Aman se na vjen turp para botës! Gruevskit po ia bën gjygjin një botë e tërë, kurse ju i rrini ende në krah! Duhet të largoheni, është vonë mandej, por gjithsesi të paktën për moralin nuk është kurrë vonë. Ju DORËHIQUNI, ai do të DORËZOHET!”, shkroi kështu Taravari në profilin e tij në Facebook. /tesheshi.com/
