Dyshohet të ketë qenë i dehur një 28-vjeçar, i cili, duke ngarë një Opel, përplaset me një murr dhe kësisoj u merr jetën tre personave, dy prej tyre vëllezër, burra në moshë.
Ngjarja e rëndë ka ndodhur në mesnatë në Kashar, në një rrugë dytësore.
“Në Kodër-Kashar, rreth orës 23:30, shtetasi Z. M., 27 vjeç, ka humbur kontrollin e mjetit duke dalë nga rruga.
Si pasojë kanë ndërruar jetë 3 pasagjerë në këtë mjet shtetasit me iniciale L. S., I. S dhe D. D., ndërsa drejtuesi i mjetit ndodhet në spital, nën kujdesin e mjekëve.
Vijon puna nga grupi hetimor dhe sherbimet e Policisë për sqarimin e rrethanave të ngjarjes”, thuhet në njoftimin zyrtar.
Më saktë, viktima të këtij aksidenti janë Ismail Sulaj 66 vjeç, Belul Sulaj 63 vjeç dhe Dashamir Dema 50 vjeç. Ismail Sulaj dhe Belul Sulaj janë vëllezër me njëri tjetrin, ndërsa këto të dy, bashkë me viktimën tjetër janë kushërinj të shoferit 20 e ca-vjeçar Zija Stefanescu (Murati).
Kujtojmë se dhe pak ditë më parë, në një aksident në autostradën Levan-Vlorë, me pasojë 3 të vdekur, dyshohej se shkaktari ishte në gjendje të dehur. /tesheshi.com/
