Ish-ministrja e Brendshme maqedonase në qeverinë e Nikolla Gruevskit, Gordana Jankulloska, u dënua me gjashtë vjet burg për shpërdorim detyre, po për të njëjtën aferë që dhe ish-eprori i saj është dënuar dy vjet, “Tanku”, ose ndryshe Mercedesi me vlerë 600,000 euro.
Ish-zv/ministri, Djoko Popovski, gjithashtu u dënua dhe iu dha katër vjet e gjysmë burg.
Procesi për Jankulloskën, për shkak të gjendjes së saj shëndetësore, është kryer në një procedurë të veçantë.
Rasti është iniciuar nga Zyra Speciale e Prokurorisë Publike në bazë të bisedave telefonike të përgjuara
Gruevski ka thënë se “procesi është i motivuar politikisht”, duke argumentuar se kjo ndodh në një kohë kur në Kuvend duhet të votohen ndryshimet kushtetuese të parashikuara nga marrëveshja me Greqinë dhe kur autoritetet kanë nevojë për votat e opozitës. /tesheshi.com/
