Përgatituni të ndryshoni mendim për “shkëlqimin” e një pjate të shijshme. Tani ky term merr kuptim të fjalëpërfjalshëm falë një firme gjermane e cila ka prezantuar sprajin e ngrënshëm me të cilin mund të ngjyrosen ushqimet. Ngjyrat janë ari dhe argjendi, por ka edhe ngjyrë blu dhe të kuqe.
Ky lloj spraji duket se është i padëmshëm dhe pa shije. Mund të përdoret mbi çfarëdo lloj ushqimi. Një nga ideuesit shpjegon se sa bukur është kur gjendesh përpara një pjate me një biftek ngjyrë ari.
Ndonëse ideja mund të na lërë pak në mëdyshje (nuk mund të thuhet se ngjyra e bën ushqimin më të shijshëm), suksesi me sa duket është i madh. Firma që prodhon këtë spraj ka bërë të ditur se ky është nga produktet e saj më të shitur. /tesheshi.com/
