Luttrell Dwayne Allen, 50 vjeç, u shpall fajtor për vrasjen e Ibrahim Lagumxhiç, 72 vjeç, të cilin ai e sulmoi fizikisht dhe e goditi me grusht dy vjet më parë, ku si pasojë vdiq disa muaj më vonë.
Alen, i cili i kërkoi falje familjes së njeriut që i morri jetën gjatë paraqitjes së tij në gjykatë, u dënua me 30 vjet burg pas një marrëveshjeje në minutën e fundit me prokurorinë.
Sipas marrëveshjes për pranimin e fajësisë, Allen duhet të vuajë të paktën gjashtë vjet burg për t’u liruar me kusht. Ai gjithashtu u urdhërua të paguante 150,000 dollarë si kompensim për jetën e Ibrahim Lagumxhiç.
“Më vjen sinqerisht keq, nuk e mendoja se do të ndodhte kështu. Është vërtet e vështirë për mua të jetoj me këtë ndjenjë,” i tha Allen familjes Lagumxhiç, të cilët ishin të pranishëm në sallën e gjyqit.
Familja Lagumxhiç tha se babai sakrifikoi gjithçka për t’i sjellë në SHBA. Në Sarajevë të kohës së luftës, ai ishte një kirurg që shpëtoi jetë. Gruaja dhe dy vajzat e tij erdhën në SHBA në vitin 1995 dhe Ibrahimi erdhi vitin pasues. Djali lindi pak më vonë, në SHBA.
Në Amerikë, Ibrahim Lagumxhiç nuk mundi të vazhdonte profesionin, pasi të gjitha dokumentet e tij ishin djegur në Sarajevë. Në vend të kësaj, ai bëri punë fizike që i dëmtoi shtyllën kurrizore. Por përfundimisht u bë një asistent mjekësor i certifikuar dhe i pëlqente peshkimi dhe që t’u mësonte fëmijëve varterlonë si sport. Me kalimin e kohës, gjendja e tij u përkeqësua dhe ai nuk mund të lëvizte më pa ndihmën e një bastuni. Mënyra se si ai humbi jetën është në fakt një sekuencë e pabesueshme ngjarjesh.
Përkatësisht, në maj të vitit 2020, ai debatoi me një grua në parkingun në Michel Avenue. Dyshohet se fjalosja e ashpër e tyre ka qenë pikërisht për parkim. Aty ai dyshohet se e ka goditur me bastun. Pastaj ndodh një rastësi e pabesueshme. Pothuajse dy vjet pas kësaj, më 7 mars 2022, Lagumxhiç takoi të njëjtën grua teksa bënte pazar në të njëjtin market, përballë të cilit u grindën sërish.
Ai shkoi në makinën e tij dhe ajo shkoi në makinën e saj ku po priste bashkëshorti Dëayne Allen. Në një moment Allen del nga makina, i afrohet Lagumxhiçit dhe e godet.
Lagumxhiç ra në tokë, ndërsa Allen dhe gruaja u larguan nga parkingu, duke e lënë atë të plandosur përdhe. Një kalimtar e gjeti Lagumxhiçin dhe thirri një ambulancë. Lagumxhiç kishte pësuar lëndime të rënda nga goditja, të cilat e bënë atë të paaftë të fliste apo të ecte. Dhe ndodhi që gjendja e tij u përkeqësua me kalimin e kohës dhe ai vdiq në gusht 2022 si pasojë e traumës që pësoi në incidentin e marsit të atij viti.
Allen u arrestua vetëm në janar të këtij viti, pas së cilës u ngritën menjëherë akuzat e vrasjes. /tesheshi.com/
