Në ditët e fundit të vitit, kur aktivitetet sportive në disa vende të Europës ndërpriten, mediat e rëndësishme merren me llogarira e gjëra anësore, që pavarësisht sa ndikojnë në sport, marrin vëmendje në publik.
Kështu, gazetarë e analistë që “ia kanë ngenë” llogarive të milionave të të tjerëve, kanë dhënë një pasqyrë origjinale të kohës që i takon një futbollisti me emër për të luajtur futboll, që të shlyejë vlerën me të cilën ka blerë makinën e tij. E duke qenë se futbollistët e kanë qejf tangërllëkun, shfaqur në prijen për të blerë makina të shtrenjta, renditja nuk shkon në përpjestim të drejtë me paratë që përfitojnë ata vetë.
Kështu Jezus Navas, mesfushorit sulmues të Sevilla-s, i duhen 19 minuta lojë në ditë për të paguar makinën Nissan Micra, që ai zotëron. Carlitos Tevez, yllit të kampionatit kinez, i mjaftojnë 11 minuta e gjysëm lojë për të paguar makinën e tij Porsche Panamera Turbo S. Ndërsa Luis Suarez, sulmuesit të Barcelonës i duhen 45 minuta për ta shlyer shpejt Audin R8. E njëjta kohë i duhet edhe Leo Mesit, yllit tjetër të superpaguar të Barcelonës, për të shlyer Ferrarin F430 Spider që ka blerë së fundmi.
Vetëm 38 minuta i mjaftojnë Gareth Bale të Realit të Madridit, për të paguar Benzin Mercedes SLS Roadster AMG GT. Ndërsa portugezit të Realit të Madridit, Kristiano Ronaldo, për të paguar makinën e tij më të shtrenjtë, i duhen 5 orë e 15 minuta në ditë. Bugatti i tij kushton 2 milion euro. /tesheshi.com/
