Talo Çelës, njeriut më të kërkuar të momentit nga policia shqiptare, iu përcoll një tjetër mesazh pas vrasjes të të vëllait pak javë më parë.
Kujtojmë se Bujar Çela, taksist, u vra me “kafe në gojë” mëngjesin e një ditë në një lokal në Bradashesh, një ekzekutim që lehtësisht u vërtetua se qe një mesazh për të vëllanë në arrati.
Sot, një sasi tritoli ka shpërthyer në banesën e braktisur të Talo Çelës në Elbasan, të cilën, siç thuhet, i shumëkërkuari e monitoronte me kamera.
Talo Çela mendohet si njeriu kryesor që qëndron pas grabitjes së bujshme të Rinasit, si dhe disa atentateve.
Kërkimi për të, vështirësia në të gjetur se ku fshihet, mesazhet që merr nga krimi, në të cilin është aleat e kundërshtar njëherësh, po e kthejnë atë në një legjendë. /tesheshi.com/
