Siç njofton Al Jazeera, forcat talibane kanë sulmuar mbrëmjen e shkuar kompleksin e aeroportit të Kandaharit, dhe gjatë luftimeve kanë mbetur të vrarë më së paku 22 pjesëtarë të forcave ushtarake e nëntë luftëtarë talibanë.
Talibanët kanë mësyrë në bazat ushtarake të aeroportit, të përdorura nga trupat afgane, amerikane e të NATO-s, si dhe më godinat ku qëndrojnë punonjësit e administratës. Ata kanë marrë peng familjarët e një ushtaraku gjatë sulmit.
Forcat speciale afgane janë treguar të kujdesshme gjatë kundërpërgjigjes për të shmangur viktimat civile, ndërsa sulmi i mbrëmshëm ishte i dyti i kryer nga talibanët gjatë 24 orëve të fundit.
Në mbrëmjen e së hënës talibanët sulmuan një stacion policor në Kandahar, dhe në shkëmbimin e zgjatur të zjarrit humbën jetën tre punonjës policie e dy prej sulmuesve.
Ndërkohë që talibanët sulmojnë aeroportin, presidenti i vendit, Eshref Gani, gjendet në Islamabad, në konferencën e përvitshme, “Zemra e Azisë”, ku pritet të diskutohet dhe për rinisjen e bisedimeve të paqes me talibanët. /tesheshi.com/
