Colin Rutherford u kap nga talibanët në nëntorin e vitit 2010 dhe u akuzua si spiun. Pas pesë vitesh ai është liruar, siç e ka konfirmuar ministri kanadez i Punëve të Jashtme.
“Kanadaja është shumë e kënaqur që përpjekjet e bëra për të siguruar lirimin e Colin Rutherford-it kanë qenë të suksesshme,” ka thënë Stephane Dion.
Shefi i diplomacisë nuk ka harruar të falënderojë dhe qeverinë e Katarit për ndihmën e dhënë për lirimin e qytetarit kanadez.
Talibanët e patën akuzuar Rutherford-in, asokohe 26 vjeç, për spiun. I riu kanadez nuk pati pranuar të ishte i tillë, duke thënë se qe turist e se kishte vajtur në Afganistan për të studiuar vendet historike. /tesheshi.com/
