Talibanët kanë caktuar pasardhësin e Mullah Omar, liderit të tyre, vdekja e të cilit u raportua nga qeveria afgane një ditë më parë.
BBC njofton se Mullah Akhtar Mansour, zëvendësi i deritanishëm i liderit Mullah Omar, do ta zëvendësojë atë. Por, kjo zgjedhje pritet të krijojë ndasi mes talibanëve pasi shumë figura të larta e kanë kundërshtuar caktimin e Mansour.
Pakistani thotë se bisedimet që duhet të mbaheshin mes qeverisë afgane dhe talibanëve janë shtyrë për shkak të paqartësisë për vdekjen e Mullah Omar. Lideri taliban ndërroi jetë dy vjet më parë në një spital në Pakistan.
Emërimi i Mullah Mansour si lideri i talibanëve u mor pa unanimitet dhe pas ditësh të tëra debati të ndezur.
Vendimi për të u mor pavarësisht mosbesimit të shprehur në këshillin që drejton grupin, Shura. Ndër këta persona janë edhe komandanti më i lartë ushtarak, Mullah Qaum Zakir, apo edhe kreu I zyrës politike në Katar, Tayeb Agha.
Ata do të kishin preferuar që djali i Mullah Omar, Yaqoob, të zëvendësonte të atin dhe akuzojnë qarqet propakistaneze se kanë imponuar zgjedhjen e Mansour në krye të grupit. Mullah Mansour është pro bisedimeve. /tesheshi.com/
