Kërkimi në det i një të riu futbollist në Australi ka përfunduar tragjikisht.
Fjala është për Eric Birighitti, ndër futbollistët më të talentuar vendas, i cili u shqye nga peshkaqenët.
21-vjeçari Eric u fut në det në plazhin e Twilight në bregun perëndimor të Australisë gjatë pushimeve, por u përfshi nga rrymat të cilat e çuan larg bregut.
Kërkimi zgjati disa ditë, dhe pastaj zhytësit gjetën trupin e tij vetëm njëqind metra nga bregu. Trupi ishte i panjohshëm. Vetëm me anë të analizave mjeko-ligjore u identifikua se ishte pikërisht futbollisti i humbur në ujra.
“Motra dhe babai im panë që peshkaqenët sulmuan një burrë. Ata ishin vërtet të mëdhenj”, tha Alison Walker për 9 News Perth.
Eric Birighitti ishte një nga futbollistët më të talentuar australianë.
Mesazhi i tij i fundit në Instagram ishte:
“Gëzuar Krishtlindjet! Ndërsa mbarojmë vitin 2019, shpresoj se të gjithë do të gjejnë paqe dhe do të mbushen me dashuri ndërsa fillon viti i ri. Një dedikim i veçantë për ata që nuk janë më me ne për çfarëdo arsye. Mos harroni të dashuroni gjithmonë, të jeni mirënjohës dhe të qeshni”, shkroi Eric. /tesheshi.com/
