Ish-kryeparlamentari shqiptar i Maqedonisë deri dje, tashmë me mandat kryeministri nga presidenti Pendarovski, Talat Xhaferi, mbajti një fjalim në Kuvend duke shpalosur programin e tij të 100 ditëve.
“Qeverinë do ta udhëheq me përgjegjësi, duke përmbushur detyrimet dhe pritshmëritë e qytetarëve dhe partnerëve të koalicionit. Edhe pse është qeveri kalimtare që do të organizojë zgjedhjet, për mua një ditë apo 100 janë të njejta, dhe dua t’ju siguroj që përgjegjësia dhe institucionalizmi në udhëheqje do të jetë detyra ime. Unë do të vazhdoj programin e qeverisë së kaluar duke realizuar prioritetet e qytetarëve dhe të qeverisë. Për të ecur drejt rrugës së BE-së ne do të bëjmë hapat e duhura dhe të sigurta që i takon një shteti serioz. Qeveria ime do të jetë krah dhe zë i qytetarëve. Puna e qeverisë sime do të kalojë edhe nëpërmjet sfidave që do të sigurojnë zbatimin dhe respektimin e ligjeve dhe Kushtetuese.
Bashkëpunimi me institucionet ndërkombëtare për zgjedhjet dhe zhvillimin e vendit, do të jetë obligim i imi. Bashkëpunimi me BE-në, NATO-n dhe SHBA-të do të jetë gjithashtu prioritet për mua dhe qeverinë time”, tha mes të tjerash Xhaferi, njeriu që do e çojë Maqedoninë drejt dy palë zgjedhjeve, presidenciale dhe parlamentare.
Edhe pse vetëm tre muaj në krye të qeverisë, ky është një moment historik për faktorin politik shqiptar jo vetëm në Maqedoni por mbajë në rajon, aty ku shqiptarët udhëhiqen nga qeverisje sllave, se është i mundur ndryshimi i statukuove politike që vijojnë prej dekadash. /tesheshi.com/
