Kreu i Kuvendit Kadri Veseli, shpalosi qëndrimin e tij se taksa ndaj Serbisë, siç e kërkojnë SHBA duhet të hiqet. Ose së paku të pezullohet. Sepse kjo sipas tij, është me rëndësi për raportet e ngushta mes Prishtinës dhe Uashingtonit.
Ai konfirmoi se Shtetet e Bashkuara kërkuan pezullimin e këtyre taksave, dhe kjo është, siç tha ai, përgjërimi i Presidentit Trump.
Veseli ka thënë se vendimi i autoriteteve të Kosovës për të vendosur taksa me 100 për qind ndaj mallrave nga Serbia dhe Bosnja ishte të mire, për shkak se Kosova vazhdon të përballet me një “Serbi agresive”, porse marrëdhëniet me Shtetet e Bashkuara janë më të rëndësishme.
“Megjithatë, ne nuk jemi duke folur për taksat, por për marrëdhëniet me SHBA dhe komunitetin ndërkombëtar. Ne jemi partnerë me Shtetet e Bashkuara, dhe prej tyre erdhi një propozim që taksat të pezullohen, dhe si një kërkese Presidentit Trump”, tha Veseli.
Ai tha se është mirë që taksa të pezullohet e jo të hiqet si masë, duke shtuar se kjo u diskutua në një takim të fundit të kryeministrit Haradinaj me ambasadorin e SHBA-së në Kosovë, Phillip Kosnett.
Ai shtoi se Shtetet e Bashkuara ka qenë gjithmonë me Kosovën, në të gjitha kohërat, e cila është, siç tha ai, “me rëndësi të madhe për shtetësinë dhe integritetin e Kosovës.”
“SHBA ka qenë gjithmonë me ne. SHBA dhe Kosova duhet të jetë një. Konfrontimi dhe ballafaqimi me shtetin i cili është garanci e sovranitetit tonë dhe territorit tonë, nuk është e mirë për Kosovën”, ka thënë Veseli. /tesheshi.com/
