Në një intervistë për KosovaPress, deputeti i PDK-së Memli Krasniqi, ka zbuluar një fakt interesant, atë që taksa 100 përqind për mallrat serbe ka ardhur fillimisht si propozim jo nga Haradinaj por nga zëvëndësi i tij Hoxhaj.
“Vendimi për tarifën doganore ndaj Serbisë dhe Bosnje Hercegovinës e ka historinë e vet, kush do me ditë e di, ka qenë një propozim i zotit Hoxhaj në qeveri, fillimisht për 10 për qind, pastaj ka pasur një zhvillim kur ne nuk arritëm të pranoheshim në INTERPOL dhe të njëjtën ditë dolën propozimet për të pasur një ngritje të taksës ishte një ide të ishte 30%, në konsultim në mes të zotit Haradinaj dhe Veseli, u propozua të jetë 100% dhe jemi këtu ku jemi”, tha Krasniqi.
Siç dihet, Hoxhaj ka qenë dhe ai një ithtar i taksës, por ashtu si Veseli ka propozuar dhe pezullim të saj. kujtojmë se ai vjen nga radhët e PDK-së, partisë që udhëhiqet nga Kadri Veseli, por që ka si themelues dhe lider historik, presidentin Thaçi. /tesheshi.com/
