Presidenti francez Emanuel Macron i ka kujtuar Beogradit se taksa e vënë ndaj mallrave serbë nga ana e Prishtinës, erdhi si shkak-pasojë e bllokimit që anëtarësimit të Kosovës në Interpol.
Marrëdhëniet e Beogradit me Kosovën janë përshkallëzuar që nga vendosja e taksës 100 për qind mbi produktet serbe, pasi Beogradi bllokoi përpjekjen e Prishtinës për anëtarësim në Interpol”, tha Macron gjatë vizitës së tij në Beograd.
Sipas tij, po ka fuqi, të cilat nuk e duan arritjen e një marrëveshjeje mes dy vendeve.
“Shohim tensione në rritje dhe ndonjëherë ato tensione fryhen edhe nga fuqi të huaja që kanë interes që të mos arrihet asnjë marrëveshje”, shtoi presidenti francez.
Kreu i Elysse-s kërkoi rinisjen e bisedimeve Prishtinë – Beograd dhe tha se ai e Merkel i presin liderët respektivë në Paris
“Lufta që ne do të bëjmë së bashku tani është ajo për kompromis dhe gjetjen e një zgjidhjeje të zgjuar mes Serbisë dhe Kosovës. Është një luftë e vështirë dhe ju keni një president kurajoz që ka vendosur t’i shkojë deri në fund asaj. Ashtu edhe kosovarët duhet të jenë kurajozë në ndërtimin e kompromiseve”, theksoi Macron. /tesheshi.com/
