Kryeministri Haradinaj u shfaq “moskokëçarës” ndaj presionit amerikan në lidhje me taksën ndaj Serbisë dhe, një ditë pasi ofroi propozimin e tij për ndërkombëtarët se si mund të zgjidhej ngërçi, ai tha se “nuk ka dert” nëse ndokush vendos të prishë marrëdhëniet më Kosovën.
“Nëse njëra nga kushtet që e kam nxjerrë unë më prish me dikë, nuk ka dert. Du me nejt mirë me të drejtën tem. Nëse dikush ka problem me ato kërkesa, atëherë jemi të prishtë.
Nëse mujnë pa marrëveshje, mujmë edhe na. 2020-ta po vjen, Serbia ka me hy në BE.
Nuk e di pse ne duhet me dhënë nga vetja në këto rrethana. Kushdo që ka problem, si i brendshëm si i jashtëm me këto kërkesa, del kundër të drejtës tonë.
Ne nuk kemi mirëkuptim me dikë që ka probleme me këto kërkesa. I bjen tërheqje e njohjes.
Unë nuk besoj që SHBA-ja ka probleme me këto kushte, por kushdo që ka, atëherë dihet në çfarë marrëdhëniesh futemi”, tha Haradinaj pas një mbledhjeje qeverie.
Deri më tani nuk ka asnjë reagim ndaj paketës së tij propozuese, ku në bazë të saj ishte dhe organizimi i një conference ndërkombëtare për Kosovën, e tipit “Rambuje”. /tesheshi.com/
