Sekretari amerikan i Shtetit, Rex Tillerson apeloi për një hetim të pavarur për krizën e komunitetit Rohingya në Majnmar. Ushtria e këtij vendi akuzohet se ka vrarë popullin Rohingya duke u djegur fshatrat e duke detyruar me qindra mijë të largohen drejt Bagladeshit.
Tillerson tha se kriza ishte shqetësuese për Shtetet e Bashkuara, por shtoi se sanksionet kundër Majnmarit nuk “ishin të këshillueshme” në këtë kohë. Komentet e tij vijnë pas një takimi me Aung Sang Suu Kyi dhe ushtrinë e vendit.
Presioni ndërkombëtar është rritur muajve të fundit ndaj Aung Sang Suu Kyi e cila apelohet të dënojë brutalitetin e ushtrisë dhe atë që OKB e përshkruan si “shembull klasik nga tekstet shkollore të spastrimit etnik”.
Suu Kyi është de facto kryetare e administratës civile të Majnmarit, por nuk ka kontroll mbi Ushtrinë. Ajo akuzohet se ka injoruar masakrat mbi muslimanët Rohingya të cilët kanë mbetur pa shtetësi në një Majnmar me shumicë budiste. /tesheshi.com/
