Në prag të ankorimit të parë në portin e Portsmouth, luftanija “Mbretëresha Elizabeth” u takua me transportuesin amerikan “USS George HW Bush” në brigjet e Skocisë.
Luftanija dhe aeroplanmbajtësja më e madhe “Mbretëresha Elizabeth”, lundroi për herë të parë në fund të qershorit nga kantieri Rosyth në lindje të Skocisë.
Anija është 280 metra e gjatë dhe mund të udhëtojë rreth 800 kilometra në ditë. Pesha e saj është 65,000 ton dhe mund të mbajë 1.600 anëtarë të ekuipazhit dhe 36 aeroplanë luftarak.
Ndërtimi i saj zgjati 8 vjet dhe bashkë me luftanijen “Princi i Uellsit” është pjesë e programit të mbrojtjes, që kap vlerën prej 6.6 miliardë euro. /tesheshi.com/
