Kreu i qeverisë italiane Guiseppe Conte, bëri me dije tezën e tij ofruar homologut shqiptar se si mund të dilet nga kriza politike.
“Kam inkurajuar në mënyrë të përsëritur kryeministrim Edi Rama për nje ftesë të hapur me opozitën, me qëllim zhbllokimin e krizës politike, që prej kohësh pengon Shqipërinë të eci në rrugën e reformave, në veçanti reformës zgjedhore. Dhe po i lejoj vetes si kryeministri i një vendi që ka një traditë miqësie shumë të gjatë dhe te forte me Shqipërinë”, theksoi Conte gjatë një konference për mediat në Romë, pasi priti të parin e qeverisë shqiptare.
E nga ana tjetër, ai i përcolli një këshillë opozitës:
“E ripërsëris edhe një herë ftesen forcave opozitare, që të ndjekin të njëjtën qasje, me shpirt kontruktiv dhe nëse më lejoni, pa kushte”, tha njeriu që rrethanat politike e jo të qënit politikan, e çuan nga avokat në krye të qeverisjes së Romës në të dytin mandat.
E nga ana tjetër, Conte përsëiriti qëndrimin e tij kritik ndaj “Jo”-së franceze për çeljen e negociatave, në një kohë kur dhe Roma e Parisi janë në fërkime dhe për të tjera çështje.
“Mos’hapja e negociatave është një gabim historik. Perspektiva e Ballkanit është në Bashkimin Europian”, tha Conte.
Ndërsa në planin e bashkëpunimit dypalësh, Rama theksoi afrimin dhe më shumë të dy realiteteve, si një mundësi për fuqizim ekonomik të dyanshëm.
“Duhet parë edhe situata mbi sigurimet shoqërore për të arritur një dakordësi për njohjen për shqiptarët që jetojnë dhe punojnë në Itali.
Do vazhdojmë në këtë bashkëpunim për të intensifikuar marrëdhëniet. Qeveria shqiptare është koshiente për rritjen e numrit të italianeve në Shqipëri. Firmat private që operojnë në Shqipëri, që drejtohen nga italianë. Kemi arritur që të bashkëbisedojmë dhe për dhënien prioritet të firmave italiane që operojnë në vendin tonë” theksoi shefi i qeverisë shqiptare. /tesheshi.com/
