Takimi në Nju Jork mes presidentit të Kosovës, Hashim Thaçi dhe presidentes kroate Kolinda Grabar-Kitaroviq, nuk u prit fare mirë nga ministri i Mbrojtjes i Serbisë, Aleksandar Vulin.
Ai tha për median serbe “Alo” se ajo që i bën bashkë Thaçin dhe Kolindën janë “urrejtja ndaj serbëve”, dhe se asnjëra palë nuk e mban fshehtë siç tha ai “dashurinë vëllazërore” mes shqiptarëve të Kosovës dhe kroatëve.
Vulin tha se ndonëse është vendosur paqja, vitet e lëna pas nuk e kanë zbehur faktin se ata i bashkon urrejtja ndaj serbëve, duke shtuar se “kjo vëllazëri u krijua vetëm nga ky fakt”.
Ndërkohë, takimi mes Thaçit dhe Kitaroviq u përcoll me deklarata mbështetëse nga kjo e fundit, e cila vulosi përkrahjen e vendit te saj ndaj Kosoves. duke thënë se “Kroacia gjithmonë është në mbështetje të plotë të Kosovës. /tesheshi.com/
