Shtetet e Gjirit po përgatiten të shtrëngojnë sanksionet ekonomike ndaj Katarit sikundër edhe të zgjerojnë izolimin diplomatik duke e pezulluar nga Këshilli i Bashkëpunimit të Gjirit. Lajmi bëhet i ditur nga diplomatë të rangjeve të larta të shteteve arabe.
Diplomatët në fjalë I bënë këto komente përpara një takimit të Ministrave të Jashtëm të Arabisë Saudite, Bahreinit, Egjiptit dhe Emirateve të Bashkuara Arabe në Kajro, shtete që kanë vendosur bllokadën ndaj Katarit që prej datës 5 qershor, duke e akuzuar atë se mbështet terrorizmin. Më 22 qershor, këto vende publikuan një listë me 13 kërkesa për t’i dhënë fund ngërçit dhe i dhanë kohë Katarit 10 ditë për të rënë dakord. Ky afat u zgjerua të dielën edhe me 48 orë të tjera.
Takimi në Kajro do të vlerësojë nëse Katari ka bërë mjaftueshëm koncesione ndaj kërkesave, që përfshijnë edhe dhënien fund të mbështetjes financiare ndaj ekstremistëve, tërheqjen e mbështetjes për Vëllazërinë Muslimane, mbylljen e transmetuesit Al-Jazeera dhe ndërprerjen e marrëdhënieve diplomatike me Iranin. /tesheshi.com/
