Kuvendi pritet të miratojë në seancën e së enjtes ngritjen e komisionit ad hoc për reformën zgjedhore, kërkesë e depozituar në Parlament rreth një javë më parë nga Partia Demokratike.
Ky është një nga vendimet e marra në takimin e përjavshëm mes ministrave, që edhe deputetë, me kreun e grupit parlamentar socialist, Taulant Balla, dhe kryeparlamentarin Gramoz Ruçi. Në takim ka munguar kryeministri Edi Rama.
Takimet e ministrave me kreun ne Kuvendit dhe atë të grupit parlamentar socialist do të jenë të përjavshme dhe synojnë koordinimin e axhendës së qeverisë me punmet e legjislativit, jo vetëm në seancat parlamentare por edhe komisioneve.
Komisioni për reformën zgjedhore pritet të ketë dy bashkëkryetarë, një nga PS dhe tjetri nga PD, që përbëjnë edhe dy partitë kryesore në vend, ndërsa në të do të jenë të përfaqësuaratë gjitha grupimet parlamentare. /tesheshi.com/
