Presidenti i Serbisë, Aleksandar Vuçiç ka komentuar para mediave takimin e tij me të dërguarin special të Donald Trump për dialogun mes Beogradit dhe Prishtinës.
Takimi me Richard Grenell për Vuçiç ka sjellë telashe të mëdha, pasi siç tha ai, askush nuk po e dëgjon zërin e serbëve.
“Të gjithë ofrojnë ndarje, ku ne nuk marrim asgjë. Nuk dëshirojnë të na japin gjë”, deklaroi Vuçiç para gazetarëve në Kovin, i pyetur nëse ardhja e tij do të lobojë që të hiqet taksa, dhe nëse nga Serbia do të bëj diçka në kompensim.
“Më duhet kohë për të reflektuar mbi bisedën me Richard Grenell dhe për të parë se çfarë mund të bëjmë më tej”, ka shtuar ai.
Ndërkohë, burimet diplomatike nga Prishtina dhe Beogradi kanë konfirmuar njëzëri se Grenell po kërkon formim sa më të shpejtë të qeverisë së re në Kosovë, përcjellë me heqje të taksës dhe rifillim të bisedimeve. /tesheshi.com/
