Nënkryetari i LDK-së, Lutfi Haziri ka zbuluar bisedat në takimin e zhvilluar sot me Albin Kurtin për të formuar qeverinë.
“Është në vazhdën e takimeve që kemi pasur. Kryetari e ka filluar takimin e parë dhe ne sot kemi diskutuar modalitetet edhe temat që Avdullah Hoti do t’i diskutojë me përfaqësuesit e Lëvizjes Vetëvendosje.
Formati i diskutimit do të jetë 1 plus 2, ku do të përfshihen ekspertë të LDK-se, AKR-së dhe të Alternativës, në mënyrë që të shohim politikat sektoriale, përafrimin pasi përfaqësojmë dy ideologji të ndryshme, dhe programi i LDK-së është ndërtuar mbi bazë të qendrës së djathtë, ndërsa ata e kanë ndërtuar programin mbi parimin e së majtës”, tha Haziri.
Ai, më tej bëri të ditur se negociatat do të vazhdojnë në nivelin e kryetarëve, ku do të diskutohet për të gjitha çështjet, në mënyrë që ti japim vendit sa më shpejt institucionet. /tesheshi.com/
