Ministrat e Jashtëm të NATO-s miratuan një sërë masash që synojnë kundërshtimin e Rusisë në Detin e Zi në një takim të enjten në Uashington për 70-vjetorin e Aleancës.
Ata ranë dakord për më shumë bashkëpunim detar me Gjeorgjinë dhe Ukrainën, me patrulla dhe vizita në portet e tyre.
Të dy vendet u përballën me një agresion rus dhe duan të bashkohen me aleancën, raporton AP.
Ministrat gjithashtu përsëritën kërkesën që Rusia të pezullojë aneksimin e Krimesë, si dhe të lirojë marinarët ukrainas të kapur me anije nëntorin e kaluar në Detin Azov, e gjithashtu të respektojë marrëveshjen për forcat bërthamore të mesme qitjeje – INF.
Shtetet e Bashkuara kanë njoftuar se do të dalin nga marrëveshja e arritur në vitin 1987 në gusht nëse Rusia nuk fillon ta respektojë atë përsëri. /tesheshi.com/
