Nga Blendi Gashi
Ambasadori i SHBA-ve në Serbi, Kyle Scott të enjten për herë të parë qëndroi në Prishtinë me ç’rast mediat raportuan se ai takoi krerët e shtetit, si presidentin, kryeministrin e kryekuvendarin, sigurisht nën shoqërinë e ambasadorit amerikan në Prishtinë, Greig Delawie, por pa pasur informacione të tjera se ç’mund të kenë diskutuar konkretisht.
Arsyeja është se kjo vizitë u mbajt e fshehur nga institucionet kosovare krahasuar me vizitat e diplomatëve tjerë amerikanë kur vijnë në Kosovë që bëhen publike disa ditë përpara dhe organizohen pritje shtetërore.
Edhe pse dolën para mediave me konferenca të enjten e të premten, as presidenti Thaçi as kryeministri Haradinaj nuk folën asnjë fjalë për vizitën e paparalajmëruar të ambasadorit Scot.
Veseli flet por s’jep detaje…
I vetmi që foli për këtë konferencë është kryekuvendari, Kadri Veseli, në konferencën e jashtëzakonshme që mbajti në selinë e PDK-së ku foli për çështjen e shumëpërfolur të korrigjimit të kufijve, por që nuk dha detaje fare se ç’mesazh solli diplomati amerikan nga Beogradi.
Për më tepër kur Veseli u pyet nga gazetarët lidhur me vizitën e Scot, sikur pranoi në një mënyrë që ka qenë e fshehtë.
“Nuk ka qenë shumë fshehtë. Më i vogli nga Departaamenti amerikan i ka dyert e hapura të Kuvendit dhe ku të dëshiron dhe sa herë vijnë sjellin lajme të mira. Kur vjen ndonjë zyrtar frikësonu çka ka me ndodh për Kosovën”, tha Veseli.
Po ai nuk tregoi se ç’lajm të mirë solli Scot, pasi u largua mbylli konferencën pasi u deklarua për këtë vizitë.
Për takimin me ambasadorin Scot, as Presidenca, as Kryeministria, as Kuvendi nuk kanë shkruar në faqet e tyre siç bëjnë zakonisht me takimet tjera ditore.
Ndërsa vet ambasadorët amerikan Scot e Delawie kanë shkruar në Twitter për takimin mes tyre në Prishtinë por pa dhënë detaje tjera.
“Vizita ka dy domethënie…”
Ndërsa krerët e shtetit mbajnë të fshehur se ç’biseduan me ambasadorin Scot dhe ç’mesazh u solli nga Beogradi, vizita e këtij të fundit në Prishtinë po cilvlerëson se kjo vizitësohet jo e rastësishme.
Fahri Musliu, ish-gazetar i Televizionit publik të Kosovës që për vite ka raportuar nga Beogradi ka thënë për mediat kosovare se kjo vizitë ka dy domethënie.
Sipas tij, Departamenti i Shtetit sigurisht se mund ta ketë vlerësuar se ambasadori në Kosovë, Greg Delawie nuk ka ndikim tek zyrtarët e Kosovës, meqë ai këto ditë edhe largohet nga ky mision.
Dhe e dyta, Musliu thotë se, ambasadori në Beograd ka sjellur ndonjë mesazh të rëndësishëm nga kabineti i Vuçiçit me të cilin është takuar këto ditë, por, edhe të ushtroj trysni mbi kryeministrin Haradinaj dhe anëtarët tjerë të qeverisë të cilët janë deklaruar kundër ideve të kryetarit Thaçi.
Ndërsa Ambasada e SHBA-së në Beograd, kur është pyetur nga “Tanjug” për agjendën e ambasadorit Scott në Kosovë, ka thënë se “ai ka pasur qëllim të takohet me ta (krerët e Kosovës) për të dëgjuar qëndrimet e tyre, dhe për të mësuar më shumë për situatën në rajon”.
Kujtojmë se ditë më parë Scott garantoi se administrata e Trump nuk ka ndryshuar qëndrimet ndaj Kosovës dhe tha se “Uashingtoni është i gatshëm të ndihmojë Prishtinën e Beogradin për një marrëveshje finale”. /tesheshi.com/
