Në Shkup u zhvillua një takim i rëndësishëm ndërmjet shefit të diplomacisë greke, Nikos Kotzias dhe ministrit të punëve të jashtme të Maqedonisë, Nikolla Dimitrov.
Ata pas takimit realizuan një konferencë të përbashkët me ç‘rast pranuan se pavarësisht kontestit të emrit të shtetit, të dyja palët janë dakord me anëtarësim sa më të shpejtë të Maqedonisë në NATO dhe BE.
Por ajo që ka bërë përshtypje tek frazave klasike të kortezialitetit diplomatik, ka qënë cilësimi i Maqedonisë nga Nikos Kotzias si “vend dashur, e miqësor, verior”.
“Greqia e mbështet rrugën euroatlantike të të gjithë Ballkanit. Për dekada në NATO dhe BE jemi të vetmit nga rajoni. Anëtarësimi nuk varet nga ne, por nga ata që do të duhet të vendosin. E duam këtë vend të dashur, miqësor, verior edhe në NATO dhe në BE, por e gjithë kjo do të duhet të realizohet mbi baza të rregullave të BE-së dhe NATO-s. Besoj se e ardhmja i takon bashkëpunimit tonë dhe se do të gjejmë guxim që t’i tejkalojmë të gjitha elementet që na mbajnë në këtë gjendje jologjike. Do të thotë se duhet të krijojmë më shumë besim, kreativitet dhe ti zgjidhim problemet tona, ta zhdukim irredentizmin dhe në mëngjes të luajmë valle me kulturat tona të përbashkëta”, deklaroi Kotzias.
Nga ana tjetër, ministri i jashtëm i Maqedonisë, Nikolla Dimitrov pranoi se është diskutuar edhe për procesin, metodën dhe modalitetet se si do të zgjidhet çështja e emrit mes Greqisë dhe Maqedonisë.
“Biseduam dhe për atë se cilët janë interesat e të dyja palëve në këtë kontest, me qëllim që të ketë më shumë mirëkuptim për atë se si njëra palë apo tjetra e percepton problemin, dhe ishte një bisedë e rëndësishme dhe frytdhënëse. U morëm vesh të bëjmë takime më të shpeshta. Marrëdhëniet e mira me fqiun tonë jugor kanë rëndësi të veçantë për ne, bashkëpunimi i mirë ekonomik, lëvizja e madhe mes banorëve të shteteve tona, interesat e përbashkëta për stabilitet, siguri dhe prosperitet i të gjithë rajonit, janë këto vetëm disa gjëra që na lidhin.” tha Dimitrov.
Dimitrov vazhdon të shpreson se Greqia do ta njeh realitetin e ri në Maqedoni dhe do të ketë konsiderata ndaj dëshirës së sinqertë për miqësi nga dyja vendet.
“Presim dhe shpresojmë se do të kemi mbështetje nga Greqia për euro-integrimet tona, dhe se do të sillemi si miq dhe nuk do të kemi tentim për mposhtje të njëri-tjetrit. Gjithashtu folëm për masat e rritjes së besimit ndërsa u nënshkrua edhe memorandum për bashkëpunim mes akademive diplomatike të Maqedonisë dhe Greqisë si dhe për rritjen e bashkëpunimit në raste të fatkeqësive elementare natyrore ”, ka shtuar Dimitrov.
Takimi në Shkup i Kotzias dhe Dimitrov i paraprin takimit të ardhshëm të këtyre dyve në takimin e Ministrave të jashtëm të vendeve anëtare të Bashkimit Evropian dhe vendeve kandidate.
Mensur Krasniqi – /tesheshi.com/
