Që me hyrjen e tij në politikë, Rama ka promovuar tezën se për korrupsionin “faji nuk është i njeriut por i sistemit”.
Këtë tezë mbrojti dhe këtë të hënë gjatë një simpoziumi kushtuar fenomenit në fjalë. Kreu i qeverisë shqiptare përmendi disa reforma që sipas tij, mbështetur pra në tezën e përmisimit të sistemit, korrupsioni ishte frenuar disi.
“Trashëguam një situatë shumë të rëndë në sektorin energjitik, ku korrupsioni ishte shumë i pranishëm. Konsumatorët përmes ryshfetit blinin një faturë tjetër nga ajo e sahatit…
Një sektor tjetër, ku sipas tij vendosnin ryshfetet, ishte ai arsimor. me emërimin dhe largimin e mësuesve. “Largimet dhe emërimet e mësuesve ishin të lidhura me aftësinë paguese…
Hipotekat ishin një alternativë e korrupsionit për të shërbyer më shpejt. Zgjidhja e këtij problemi është dixhitalizimi i hartave të pronave. Në sportelet e zyrave problemet e qytetarëve vetëm do të trajtohen…”, ishin këto disa raste të përmendura nga Rama në mbështetje të bindjes së tij se me anë të reformave do ndikojë dhe në moralin e prishur individual. /tesheshi.com/
