Kreu i PD-së Basha u tha një grupi mësuesesh se ai nuk do i frikësonte për shkak të bindjeve politike.
Në një takim me ta në Njësinë 11 në Tiranë, ai tha se ka tjetër formim. “Një nga misionet kryesore të normalizimit të politikës shqiptare, është që ta largojë frikën si një instrument sundimi.
Njerëzit duhet të jenë të lirë të thonë mendimet e tyre dhe kjo është A-ja e demokracisë! Ky është formimi im, kjo është kërkesa juaj, kjo është minimumi që meriton Shqipëria dhe shqiptarët”, tha Basha.
Sipas tij, në 8 vite qeverisje të PS-së, “vetmja gjë që ka munguar është mbështetja financiare për mësuesit”.
“Pra ajo që doja të thoja që kushtet e punës dhe pagat janë kryesorja. Kushtet e punës mos të flasim për politizimin e skajshëm që i është bërë arsimit në tërësi, arsimit parauniversitar, por edhe arsimit universitar”, theksoi i pari i opozitës. /tesheshi.com/
