Presidentët e Kinës dhe Tajvanit i pret sot një takim që do të hapë një fazë të re në historinë e dy vendeve. Ky është i pari takim në gati 60 vite mes udhëheqësve kinezë dhe tajvanezë.
Singapori është vendi ku do të shtrëngojnë duart Xi Jinping dhe Ma Ying-jeou, përkatësisht presidentët e Kinës dhe Tajvanit.
Ky është takimi i parë që nga 1949-ta, vit në të cilin mbaroi lufta civile në Kinë. Nacionalistët, të cilët janë sot në pushtet, u tërhoqën asokohe në Tajvan, pas humbjes së luftës me komunistët. Këta të fundit e kanë ende në dorë qeverisjen në Kinë.
Mes dy palëve ka papajtueshmëri të thella në aspektin politik, por marrëdhëniet e ndërsjellta në fushën e turizmit, të investimeve dhe të tregtisë.
Edhe pse nuk pritet të ketë nënshkrime marrëveshjesh, këto bisedime pritet t’i hapin rrugën komunikimit të drejtpërdrejtë mes palëve. /tesheshi.com/
