Ish-ministri i Brendshëm Saimir Tahiri, shpalli sot publikisht pafajësinë e tij, referuar verdiktit përfundimtar të drejtësisë italiane.
Tahiri, me një zë të ngjirur mbajti të një fjalim të kombinuar me mbrojtjen e vetes e akuzat ndaj kundërshtarëve politikë, një apologji tipike politike e penale,
“Prokuroria e antimafias në Itali kërkojnë pushimin e çështjes dhe gjykata italiane e vendosi për pëfajësinë time.
Jam i vetmi politikan shqiptar që vetëm pse përmendet në bisedat e ca trafikantëve, kërkova vetë dhe jam hetuar dy herë, flas në Itali e jo këtu. Një herë në hetimin 4-vjeçar të trafikantëve dhe një herë hetimin që e kërkova unë. Rezultati është ky: autoritetet italiane me vendim të formës së prerë kanë mbyllur hetimet sepse nuk kam lidhje me asgjë të paligjshme”, tha Tahiri, duke theksuar më tej:
“Tani dalin e thonë se Rama po mbyll hetimet për mua. Nuk e dinë se drejtësia e blerë për mua është më keq se çdo dënim. Unë nuk e kam të largët natën kur Saliu dhe Luli i shkuan për darkë në shtëpi Ilir Metës. Pasi lanë duart me drejtësinë, tallnin edhe gurabijen me popullin duke thënë sa mirë gatuante Monika”, tha ish-kreu i Rendit. /tesheshi.com/
