Çështja Tahiri duket se ka sjellë vizita të shpeshta të kryetares së Lëvizjes Socialiste për Integrim, Monika Kryemadhi në selinë e partisë Demokratike. Kështu, pas mbledhjeve të grupeve parlamentare respektive, Basha dhe Kryemadhi zhvilluan një takim në selinë blu, ku ka qenë i pranishëm edhe kreu i grupit parlamentar të LSI-së, Petrit Vasili.
Mësohet se në takim është biseduar për intensifikimin e aksionit opozitar pas kërkesës së Prokurorisë së Krimeve të Rënda për arrestimin e ish-ministrit të Brendshëm, Saimir Tahiri.
Seanca e së mërkurës do të vendosë përfundimisht nëse do t’i hapet rrugë apo jo arrestimit të ish-ministrit të Brendshëm, megjithëse vendimi i sotëm i socialistëve për të mos lejuar arrestimin e Tahirit, mund të ketë domethënien se nuk do të ketë heqje imuniteti për të.
Duke kjo mundësi dhe reagimi opozitar ka mbledhur Bashën dhe Kryemadhin në takimin që tashmë mund të cilësohet i radhës. /tesheshi.com/
