Saimir Tahiri tregon negociatat me qeverinë turke për pajisjen e uniformave të policisë.
Sot është zhvilluar ceremonia e pajisjes së të gjithë efektivave të Policisë së Shtetit me uniformat e mbërritura para dy ditësh nga Ankaraja, ku janë qepur të gjitha të reja dhe sipas modelit të kërkuar nga Ministria e Brendshme shqiptare.
Saimir tahiri tha se ka qenë përpjekja personale e Edi Ramës me Presidentin turk Rexhep Tajip Erdogan për të siguruar këtë ndihmë që ai e cilësoi shumë të rëndësishme.
Ndërkaq, kryeministri Rama tha se rrogat e policisë do të rriten më 1 mars, duke i bërë më të lartat në rajon.
“Me buxhetin e vitit të ardhshëm duke filluar nga 1 mars 2017 pagat tuaja jo vetëm do të rriten përsëri po tanimë ato do të kapin nivelin e lartë të rajonit tonë. Duke mishëruar edhe zbatimin tonë që kemi një polici shteti ndër më të mirat në rajon dhe ndër më të mbështeturat financiarisht dhe moralisht në rajon”, tha Rama.
Kryeministri shpalosi dhe ambicien e qeverisë shqiptare, që bernda një 10-vjeçari policia shqiptare të jetë ndër më të mirat në BE. “Ambicia jonë është që në një 10-vjecar policia jonë të jetë ndër më të mirat në BE. Ne jemi të vendosur të ecim drejt një objektivi, ashtu sikurse jemi 100% të bindur se ky objektiv është jo vetëm i mundshëm por edhe tërësisht në mundësitë tona”, vijoi Rama.
/tesheshi.com/
