Ministri i Brendshëm Sajmir Tahiri ka avancuar me tezën e dekriminalizimit, duke e shtrirë jo vetëm në politikë por edhe në drejtësi. Pak ditë pas takimeve me ekspertët e FBI, të cilët po asistojnë ngritjen e Byrosë së Hetimit, Tahiri reagoi fort, pikërisht pas vendimin për të shpallur të pafajshëm Arben Frrokun. Në një postim në Facebook, Tahiri thekson:
“Reforma dhe dekriminalizimi i drejtesise eshte rruga qe kemi nisur e qe duhet te vazhdojme bashke, per ti dhene fund pandeshkueshmerise sistematike. Kjo eshte e qarte sot, shume me shume se dje. Emerimet partiake ne gjyqesor, sponsorizimet politike dhe korrupsioni skandaloz ne 2 dekada, e akoma me shume 8 vitet e fundit, ka shkaterruar integritetin e drejtesise.
Shpresoj te mos jete thene ende fjala e fundit! Por pertej fakteve konkrete, mungesa e besimit publik te drejtesia sot eshte me evident se kurre. Dhe aspak rastesisht!
E as gabimisht!”
/tesheshi.com/
