Ministri i Brendshëm, Saimir Tahiri ndodhet në Kryeministri, për një takim me kryeministrin Edi Rama, ndërsa shtohen zërat që flasin për një dorëheqje të mundshme të tij. Ngërçi politik i krijuar në vend për shkak të protestës së opozitës në bulevard dhe bojkotit prej saj te Kuvendit që ka bllokuar edhe reformën në Drejtësi, ka nxjerrë në skenë disa skenare për gjetjen e një zgjidhje. Një prej tyre, përfolur shpesh në media, është edhe dorëheqja e ministrit të Brendshëm, Saimir Tahiri si një nga anëtarët e kabinetit më të akuzuar nga opozita.
Takimi i sotëm me Ramën ka shtuar spekulimet për dorëheqjen e Tahirit, edhe pse një largim i mundshëm i tij, më herët është hehdur poshtë nga opozita si kompromis për të dalë nga çadra e protestës. /tesheshi.com/
