Njeriu i BE-së në Shqipëri, ambasadori Luigi Soreca, nuk pranoi të komentonte specifikisht dënimin e ish-ministrit Saimir Tahirit, pra nuk u ndal te ky si person, por tha se nga Gjyqësori po jepen shenja pavarësie në verdiktidhënie.
“Nuk komentoj për procedura në vijimësi apo për çështje specifike, por mund të them se po të shikohen disa nga vendimet e fundit, te gjykata shihet një pavarësi më e madhe e Gjyqësorit dhe ky është lajm i mirë për Gjyqësorin.
Ne shohim sinjale të mira nga puna e gjyqtarëve dhe prokurorëve, nuk është e mjaftueshme, ne presim më shumë nga të gjithë njerëzit e drejtësisë”, tha diplomati italiani gjatë një vizite në Korçë. /tesheshi.com/
