Deputeti socialist Saimir Tahiri që pret një vendim të Kuvendit për kërkesën e prokurorisë për arrestimin e tij i bëri një sfidë të hapur sot hetimeve duke deklaruar se nuk ka prova për arrestimin e tij.
Tahiri e cilësoi hetimin ndaj tij të gatuar nga “banda e politikës” që sipas tij është më e fuqishme se banda e Habilajve, për të cilën ai akuzohet se ka lidhje.
Për të mbrojtur veten Tahiri vuri në dispozicion të mediave një dokument të Prokurorisë së Katanjës ku thuhet se nuk ka asnjë procedim penal në Itali ndaj tij.
“Po hedhin baltë mbi mua por do ta përballoj. Të drejtën dua ta gjej vetë pa ndihmë dhe pa mbështetje.Banda e Habilajve ngjan tërësisht amatore krahasur me bandën në politikë që ka gatuar këtë histori.
Ai tha se nuk ka nevojë për mbrojtjen e Ramës dhe të PS-së. “Deputetët po mbrojnë të vërtetën, jo Saimir Tahirin. Nëse ka një deputet PS që beson se unë duhet të shkoj në burg të votojë.
“Nuk dua mbrojtje falas nga askush. Dua t’i shkoj të vërtetës deri në fund. Dua të përballem me të gjithë me kokën lart, në rrugë e politikë. Deputetët e PS-së edhe në Këshillin e Mandateve dhe në Parlament jam i bindur se do të mbrojnë një qëndrim me atë të vërtetën””- theksoi ai. /tesheshi.com/
