Kreu i Rendit, Saimir Tahiri është shprehur i bindur se policia do e zbardhë ngjarjen e rëndë të grabitjes së 2 milion eurove në mes të ditës. Por në deklarimin e tij, njeriu që përgjigjet për rendin dhe qetësinë e shtetasve taksapagues, nuk ka artikuluar premtimin për kapjen e autorëve.
“Të jeni të bindur që siç kemi zbardhur ngjarje të tjera do e zbardhim dhe këtë. Policia e Shtetit nuk dorëzohet dhe as intimidohet nga sulmet publike. Detyrën e ka bërë dhe atëherë ku përveç kriminaliteti në rrugë ka pasur dhe banditizëm në Parlament. Aseti ynë i çmuar është besimi i qytetarëve, angazhimi, forcimi i kapaciteteve njerëzore. Policia do të bëjë detyrën dhe do ta zbardhë këtë ngjarje, siç ka bërë me ato të kaluarat”, tha ministri Tahiri gjatë një ceremonie organizuar në repartin RENEA, ku u dorëzuan pajisjet e reja për këtë strukturë të rendit.
Ndërkohë, faktet flasin për të kundërtën, ku ngjarjet më të rënda në katër vjet qeverisjeje të t’majtës, nuk janë zbardhur. Këtu përfshihën vrasja e bankierit Santo – që dhe për këtë Tahiri premtoi zbardhjen – si dhe dy vjedhjet e ngjashme të parave të bankave, ku më e rënda mbetet ajo brenda territorit të Rinasit. Është gjithashtu dhe rrëmbimi e zhdukja e shetetasit Enver Stafuka. /tesheshi.com/
