Ndërkohë që media pranë opozitës po flasin gjithnjë e më shumë për një arrestim të ministrit Saimir Tahiri nga Kryeprokurori Llalla, pas padisë së bërë nga Këshilli i Lartë i Drejtësisë, Tahiri doli para mediave dhe tha se nuk do të ndalet dhe askush nuk mund t’ja mbyllë gojën.
Pasi e ka cilësuar KLD-në si “Këshilli i Lartë i Pasurisë”, Tahiri tha se pasuria publike e deklaruar e gjithë anëtarëve të këtij institucioni arrin shifrën e 6 miliard lekëve.
“Këshilli i Lartë i Pasurisë dhe Padrejtësisë” i Bujar Nishanit dhe Gjin Gjonit nuk më mbyllin gojën. Nuk kam gënjyer për Arjan Aliun, kam thënë vetëm se ka liruar një person të dënuar për përdhunim dhe një tjetër për vrasje”, tha ministri i Brendshëm.
/tesheshi.com/
