Enkelejd Alibeaj i potencuar tashmë nga Lulzim Basha si një nga figurat e rëndësishme të opozitës për çështjet e rendit dhe sigurisë, në silësinë edhe të anëtarit të komisionit të mandateve dhe rregullores, në fjalën e tij në seancën për Tahirin ka kërkuar që Prokuroria ta arrestojë kolegun-“armik”.
Në rolin politik të një prokurori, Alibeaj ka dhënë pretencën e tij, si dhe të forcës që përfaqson, ndonëse foli për prova që janë pjesë e shqyrtimi, sipas tij jot ë Kuvendit por të gjykatës. Por në finale konkludoi po si treshja e prokurorëve të Krimeve të Rënda, duke thënë:
“është tashmë evidente se ish-ministri i Brendshëm ka ndihmuar Habilajt dhe kjo është e mjaftueshme për ta arrestuar”.
“Policia e Shtetit dhe Tahiri kishin info edhe nga SHISH për grupin kriminal por nuk reagoi, edhe Dritan Zagani nuk u dëgjua, por u kërcënua dhe u largua nga vendi. Ky është një tregues i qartë se Tahiri është i përfshirë.
Veprimtaria është e qartë, këtu nuk kemi të bëjmë vetëm me një episod, janë muaj dhe vite, në dy deri në tre vite aktivitet kriminal. Janë 23 anëtarë të familjes kriminale. Ekzistojnë dëshmi që po provojnë lidhjen. Grupi kishte mbështetjen e Tahirit, pasi nuk ka pasur asnjë procedim ndaj tyre, u dha edhe makinën për trafik droge”, vijoi më tej Alibeaj. E nëse lihet i lirë, Tahiri mund të prishë provat sipas gjykimit kriminalistik të Alibeajt.
“Masat e tjera të sigurimit janë të papërshtatshme. Prokuroria tregon se cdo masë tjetër përvec arrestit është e papërshtatshme, pasi përbën rrezik. Prokuroria tregon se përmbushen edhe kushtet për kontrollin e banesës dhe të Tahirit, pasi në banesë mund të fshihen prova ose sende që i përkasin veprës penale”, deklaroi deputeti demokrat. /tesheshi.com/
