“Nuk ka asnjë burrë nëne e asnjë bir kurve që të vijë e të më kërkojë në xhep lekët e veta” – ka qenë kjo deklarata e para disa viteve e Edi Ramës, në kohën kur qeveriste Tiranën si kryebashkiak.
Ngjashëm, të njëjtën deklaratë ka bërë sot Saimir Tahiri, pasi ka dalë nga salla e parlamentit.
Gazetarëve që iu turrën për t’i marrë një prononcim, ai iu përgjigj:
“As më mbron njeri dhe as dua njeri të më mbrojë. Për mua ka vlerë e vërteat dhe nuk ka vlerë askush që mund të më pengojë në rrugën time për të bërë drejtësi”.
Pas kësaj fraze, Tahiri mendohet pak, si për të sjellë diçka në kujtesë dhe deklaron: “Nuk besoj që do të ketë bir nëne dhe bir kurve që do më pengojë”.
Ishte ky një reagim gati i fjalëpërfjalshëm me batutën e dikurshme të Ramës, pasi u pyet nëse po mbrohej nga ish-shefi i tij në qeveri.
Sakaq, pyetjes se përse nuk foli në parlament, ashtu siç ishte paralajmëruar, pasi kishte regjistruar emrin si folës në Ligjin për Prokurorinë, Tahiri dha si shkak mungesën e opozitës.
Të ketë qenë kjo arsyeja apo diçka tjetër? Të gjitha dyshimet janë se Tahiri nuk është lënë të flasë nga Rama. Ndaj me gjasë, edhe batuta e tij që risillte në kujtesë atë të Ramës para disa vitesh, kishte brenda dhe një mesazh inatçor. /tesheshi.com/
