Ministri i Brendshëm Saimir Tahiri e cilësoi si kapriço të opozitës kërkesën e tyre për të shpallur gjendjen e emergjencës për shkak të reshjeve të shumta të shiut që shkaktuan përmbytje në të gjithë vendin.
Sipas tij, opozita e ka bërë zakon të merret me fatkeqësitë e njerëzve. Nga Fushë Kruja Tahiri i bëri thirrje opozitës të bashkohet me mazhorancën për të mbrojtur qytetarët, sikurse ka bërë shoqëria civile.
“Opozita e ka bërë zakon që të merret me fatkeqësinë e njerëzve duke bërë politike mbi kapriçot e natyrës. I bëj thirrje opozitës nëse ka energji pozitive të bashkohet me ne, për qytetarët që sot kanë nevojën tonë. Bashkë me ne janë bërë shoqëria civile dhe sipërmarrës për t’iu gjetur pranë banorëve të mbytur. Unë besoj që opozita ka mundësi të bashkohet me ne”, tha ministri Tahiri.
Ministri ndodhej sot në Fushë Krujë ku u shpërndarë ndihma për familjet e prekura nga përmbytja nga ku edhe u shpreh se qeveria po monitoron situatën për të parandaluar pasoja të veçanta./tesheshi.com/
