Akuzave për lobim rus, PD i është kundëpërgjigjur sërish me kundërpeshim duke u potencuar në faktin se sipas saj, Rama është takuar këto ditë privatisht me Saimir Tahirin, apo se kokaina e Maminasit ka mbrojtje qeveritare.
Sapo doli nga mbledhja e grupit parlamentar demokrat, kreu Basha deklaroi:
“PD i ka bërë të qarta si drita e diellit të gjitha aspektet financiare dhe zgjedhore të saj. Gjithçka ka dalë në përputhje me ligjin. As ulërimat e Edi Ramës as dëshpërimi i Taulant Ballës nuk mund ta heqin vëmendjen nga fakti se përmes një takimi sekret ditën e premte në një spital privat në Kombinat dhe përmes mekanizmave të tjerë politikë po përgatiten dy mënxyra të mëdha: sabotimi total i hetimeve të kokainës së Maminasit dhe lirimi i Saimir Tahirit”, theksoi kreu i selisë rozë. /tesheshi.com/
