Ministrja për Dialog, Edita Tahiri ka deklaruar se dialogu me Beogradin mund të vazhdoj pasi që të lirohet dhe kthehet në Kosovë, lideri i AAK-së Ramush Haradinaj dhe pasi që Kuvendi ta shfuqizojë Rezolutën për pezullimin e bisedimeve. Këto komente, Tahiri i ka bërë pas raportimin në Komisionin për Stabilizim-Asociim.
Ajo ka shprehur bindjen se Ramushi do lirohet, pasi tha se po mbahet padrejtësisht në Francë.
Haradinaj aktualisht po qëndron në Francë, nën masën e lirimit me kusht, derisa vendimi final për do merret me 27 prill. Ai po i nënshtrohet një procesi gjyqësor në Colmar të Francës, ku po shqyrtohet kërkesa e Beogradit për ekstradimin e tij në Serbi.
Prokuroria Speciale Serbe pretendon që Haradinaj ka kryer krime lufte, ndërkohë që Haradinaj dhe institucionet në Prishtinë kanë vlerësuar se ky është një proces i motivuar politikisht nga Beogradi. /tesheshi.com/
