Ish-ministri i Rendit Saimir Tahiri ka hedhur në publik tezën e re, sipas së cilës një “drejtësi e vonuar nuk është drejtësi”, në vend të asaj që dominon ç’prej kur s’mbahet mend, se “drejtësia vonon, por harrron”.
Tahiri iu referuar rastit të tij, atij të shtyerjes për të disatën herë të hetimeve nga Krimet e Rënda, për të cilën ai paraqiti një ankesë duke pritur vendimin.
“Kam një vit e disa muaj që pres, pa komentuar asnjë vendim të prokurorisë, por pres t’i shkoj drejtësisë deri në fund, pa bërë sikur kanë bërë të tjerët para meje që janë hetuar për vrasje dhe vjedhje. Gjithçka që po ndodh e ka kapërcyer çdo limit të kohës kur mund të bëhet një hetim. Një gjendje e tillë mjegullnaje nuk mund ët vijojë më. Hetimet janë zgjatur pesë herë, ka kaluar çdo afat i arsyeshëm, zgjedhja duhet të marrë zgjidhje në një mënyrë apo tjetër. Drejtësia e vonuar nuk është më drejtësi, e nëse kjo ndodh me mua, imagjinoni se cfarë ndodh me të tjerët që përplasen para gjykatave e bërtasin. Unë kam heshtur për të marrë atë që më takon, pastaj do të flas, por peng nuk ka si më mban njeri”, tha Tahiri pas përfundimit të seancës.
Ish-kreu i Rendit potencoi dhe njëherë faktin se ai ka rezultuar i pafajshëm nga anti-mafia italiane, atje ku u ngjizën dyshimet apo dhe akuzat ndaj tij, artikuluar nga një pjesë e politikës dhe medias.
Keni përmendur një dorë të zezë që iu mban peng? Nuk dua të merrem me këtë tani. Kjo cështje ka kaluar cdo limit të arsyeshëm. Sot seanca u shty. Gjykata nuk kishte asnjë sekret. Ju keni aq shumë mesazhe nga prokurorët në telefonat tuaj sa nuk ka më sekrete.
“Seanca u shty, pasi gjykata kërkoi dokumente që prokurorët nuk i kishin. Kjo çështje është shtyrë pesë here dhe ka humbur sensin. Unë akuzohem për trafik ndërkombëtar droge, dhe në Itali prokuroria e gjykata kanë thënë që ky njeri nuk ka lidhje, ndërsa këtu zgjatet, pasi kam frikë se nuk dinë si ta mbyllin”, tha Tahiri. /tesheshi.com/
