Përveç reformës zgjedhore, PD do të kërkojë edhe rishikim të hartës territorial, duke e përfshirë në debatin politik këtë çështje. Kjo u bë e ditur nga deputetja demokrate Jorida Tabaku, sipas të cilës, reforma territorial, tashmë ka dështuar dhe është vetëm një hartë që i shërben Partisë Socialiste në aspektin elekoral.
“Bashkitë u ndanë thjesht për llogari elektorale. Në qoftë se themi se reforma territoriale do të kursejë 80 mln dollarë, sot sipas Ministrisë së Financave, reforma territoriale shpenzon 60 mln dollarë më shumë se ç’shpenzonte para vitit 2014.
Nuk ofrojnë asnjë lloj shërbimi, nuk kanë asnjë buxhet, por paguajnë paga dhe kanë një nivel qeverisje që është i kotë”, shprehet Tabaku, për Oranews.
Sipas saj, reforma është e cungët dhe dështimi ka detyruar qeverinë të mendojë për krijimin e disa rajoneve në kundërshtim me Kushtetutën e vendit.
“Po shumëzojnë me zero Kushtetutën dhe po krijojnë këto mekanizma që në fund të ditës do të luajnë funksionin e qarkut, do të mbledhin funksionet e Arsimit, Bujqësisë, etj pa e ndryshuar Kushtetutën. Së pari, është antikushtetuese dhe së dyti, nuk ka për të funksionuar. Që kjo reformë territoriale të kishte disa rezultate të pritshme, duhej që ne të kishim ndjekur një rrugë tjetër dhe të mos shihnim interesin electoral”, theksoi ajo.
Për reformën territorial ka folur më parë edhe kreu demokrat Lulzim Basha, madje duke e paraqitur si një nga kushtet e PD në raport me mazhorancën./tesheshi.com/
