Ambasadorja amerikane paralajmëroi se disa emra nga listat e shpallura për deputetë mund të përjashtohen që aty, pasi sipas saj nuk është ndjekur kriteri i përcaktuar nga SHBA. Fjala është për ata që Departamenti i Shtetit i trajton si persona “non grata”.
“E di që disa persona mund të thonë ‘është e përcaktuar në bazë të ligjit të SHBA por nuk është i dënuar’, dhe në fakt, njerëzit me logjikë të thjeshtë do ta kuptonin se është një evidencë që mungojnë faktet por për shkak të boshllëqeve në ligjin shqiptar.
Kjo nuk ka lidhje nëse SHBA pëlqen apo jo dikë. Kjo ka të bëjë me faktin se Sekretari i Shtetit ka përcaktuar që ky person përbën kërcënim për SHBA. Ka ardhur koha që votuesit shqiptar të mendojnë se përbëjnë rrezik edhe për shtetin shqiptar”, tha Kim në një deklaratë nga Elbasani.
Po cilët janë këta emra?
Kim ju afrua konkretes por gjithsesi pa emra konkretë.
“Ka 3 njerëz që Sekretari i Shtetit të SHBA ka përcaktuar nuk do i përmend emrat e tyre dhe nuk do dalin nga goja ime, por mund ju mund t’i shihni dhe t’i gjeni”, tha gruaja që përfaqëson zërin e SHBA në Shqipëri.
Në këtë rast duhet kujtuar se nga politika, SHBA flitet që u ka “hequr vizën” Berishës, Petrit Vasilit, Vangjush Dakos dhe Tom Doshit. Ndërsa për dy të fundit është bërë e qartë kjo gjë, për dy të parët është lënë e nënkuptuar.
Sakaq, teksa Doshi vijon të synojë garën zgjedhore, por nën siglën e partisë së tij PSD, Dako nuk ka asnjë lidhje me garën zgjedhore.
E nëse paralajmërimi amerikan të jetë për Berishën dhe Vasilin, do ishte një goditje e madhe, sidomos për PD-në që të detyrohet të largojë nga listat njeriun që konsiderohet “shpirti i pandashëm” i saj. /tesheshi.com/
