Fotot të publikuara bulojnë dy raste kur ish-presidenti Donald Trump dyshohet se ka hedhur dokumente në tualet, raportuar kjo në kuadër të një bastisjeje të FBI-së në vilën e tij, gjë e pandodhur kjo më parë me ndonjë president amerikan.
Maggie Haberman, një gazetare e Neë York Times dhe bashkëpunëtore e CNN, publikoi imazhet në librin e saj, “Njeriu i besimit”, imazhe të publikuara më parë dhe nga Axios. CNN raportoi më parë se Trump kishte shkelur ligjet e mbajtjes së të dhënave presidenciale dhe shpesh grisi dokumente, drafte dhe memorandume pasi i kishte lexuar.
Herë pas here ai hidhte letrat në tualet në rezidencën e Shtëpisë së Bardhë – vetëm për t’u zbuluar më vonë kur u thirrën punëtorë për të zhbllokuar tualetet e bllokuara. Trump i ka mohuar akuzat dhe në një deklaratë për Axios të hënën, një zëdhënës pretendoi se raportimi i praktikës ishte i sajuar.
Në imazhet e publikuara të hënën, nuk është e qartë se çfarë i referohen dokumenteve apo kush është autori, por ato duket se janë të shkruara me dorëshkrimin e Trump dhe me shënuesin e zi. Haberman tha se një fotografi ishte nga tualeti i Shtëpisë së Bardhë dhe tjetra ishte nga një udhëtim jashtë shtetit.
Thuhet se Trump përdori një model të mospërfilljes së procedurave normale të mbajtjes së të dhënave. /tesheshi.com/
