Një police e shumëkomentuar me syze të errëta, doli sërish për të kumtuar në emër të Operacionit Forca e Ligjit, pjesë e paketës “Anti-KCCK”, se cilët janë personat e tjerë të cilave u është dërguar mandata për të provuar pasurinë. Bie në sy aty një emër tjetër nga Shijaku, nga Gjokajt, ku dhe të tjerët i përkasin po pellgut të Durrësit, aty ku prej vitesh krimi ushtron pushtet të dukshëm.
Ata janë, sipas deklaratës së policisë:
Dashamir Gjoka, me banim në Durrës, pasi rezulton i dënuar në Itali për veprën penale “Trafik i qenieve njerëzore”.
Emiljano Hysenaj, me banim në Durrës, pasi rezulton i dënuar në Gjermani për trafikim narkotikëshdhe pastrim parash.
Edlir Hysenaj, banues në Durrës, me lidhje familjare me Emiljano Hysenaj, pasi dyshohet se gëzon pasuri të prejardhura nga krimi.
Këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së dhe përgjigjet e marra do t’i dërgohen SPAK-ut, i cili do të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre.
Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre”, thuhet në deklaratë. /tesheshi.com/
