Edhe këtë javë një koleksion prej 20 fotografish sjellin panoramën e zhvillimeve me syrin e fotografëve profesionistë. Përmbledhja e përjavshme nga gazeta “The Guardian” vjen me emrat më të mirë të foto-reporterëve që mbulojnë sektorë të ndryshëm, duke nisur nga sporti e deri tek zonat e konfliktit.
Një punonjës nafte i përfshirë nga tymi prej fushave të naftës që digjen në distriktin Qayara në Mosul. Prej muajsh, banorët jetojnë në errësirë për shkak të një reje me tym toksik që ngrihet nga fushat e naftës të cilave iu vu zjarri nga luftëtarët në tërheqje të ISIS.Një familje irakiane, e ndarë pasi u larguan nga luftimet që vazhdojnë, takohet për herë të parë pas dy vjetësh në Bartella, 13 kilometra në lindje të Mosulit. Numri i civilëve të shpërngulur nga ofensiva kundër ISIS në Mosul është rritur në 68 mijë persona, por pjesa më e madhe e popullsisë së qytetit ka mbetur e bllokuar.Personeli ushtarak amerikan pret në radhë për darkën e Falënderimeve në një bazë ajrore të koalicionit në Irak.Rrjeta dhe qese rëre mbajnë në tokë personazhet prej balonash ndërsa përgatitet parada e Falënderimeve në Nju Jork.Një performues ka veshur maskën tradicionale kankurang, e tribusë Manding, në pritje të vallëzimeve për tubimin e Aleancës Patriotike që qeveris Gambian.Një grua mban mbi kokë perime në Port-au-Prince, HaitiNjë kopje-kukull e Aung San Suu Kyi mbahet në një tubim përpara se të digjet nga disa grupe militantësh që protestojnë kundër persekutimit të muslimanëve Rohingya në Myanmar. Me mijëra muslimanë janë larguar drejt Bangladeshit pasi janë sulmuar nga sigurimi, sipas Amnesty International.Punonjës të ndërtimit riparojnë një rrugë në zonën e Pekinit.Zjarre të fuqishme flakërojnë natën në afërsi të Dillard në Xhorxhia.Një zjarr në portin izraelit Haifa. Italia, Greqia, Rusia, Turqia dhe Qiproja dërguan avionë në Izrael ndërsa vendi lufton me zjarret e fuqishme në pyje që kanë sjellë evakuimin e dhjetëra mijë njerëzve.Një zjarrfikës shihet përmes një dritareje të shkrumbuar në një shtëpi të dëmtuar nga zjarri në vendbanimin Nataf.Tymi dhe avulli ngrihen nga një fabrikë e paligjshme çeliku. Për të përmbushur angazhimet e Kinës për të reduktuar gazin karbonik, autoritetet po mbyllin fabrikat private të çelikut, qymyrit dhe fabrika të tjera me ndotje të lartë në zonat rurale.Dy vajza siriane në një rrugë të shkatërruar në qytetin e kontrolluar nga kryengritësit, Duma në Siri, në periferinë lindore të kryeqytetit Damask. Presidenti Barak Obama apeloi për më shumë përpjekje për t’i dhënë fund dhunës në Sirinë e rrënuar nga lufta gjatë bisedimeve të shkurtra me presidentin rus, Putin.Një grua dhe fëmija e saj u shpëtuan nga një anije druri në brigjet e Libisë nga stacioni i emigracionit dhe u bashkuan pasi morën kujdes shëndetësor.Forcat besnike të qeverisë së marrëveshjes kombëtare në Libi mbajnë pozicionet në lagjen Al-Giza Al-Bahriya gjatë përleshjeve me luftëtarët e ISIS, ndërsa përpiqen të marrin kontrollin e qytetit bregdetar në Mesdhe.Djemtë luajnë futboll përballë fushave të naftës që digjen në Mosul.Lojtarët e Monaco-s marrin pjesë në një seancë stërvitore në prag të ndeshjes për Champions League kundër Tottenham Hotspur.“Palm House” ndriçohet në nisje të nismës së Krishtlindjeve në kopshtin botanic në Londër.Anna Rose O’Sullivan dhe James Hay performojnë tek “Arrëthyesi” në Operën Mbretërore në Londër.
Presidenti amerikan, Barack Obama dhe zonja e Parë, Michelle Obama përshëndesin Bruce Springsteen në Shtëpinë e Bardhë përpara se t’i dorëzojnë medaljen presidenciale të lirisë.
